ఈ పుట అచ్చుదిద్దబడ్డది
రేకు: 0399-6 ముఖారి సంపుటం: 11-594
పల్లవి: నీ కెదురు చూచి చూచి నెలఁత నన్నంపె నిదే
రాకుండితే నాపె వచ్చీ రావయ్య నీవూ
చ. 1: అప్పుడు నీ వాన వెట్టినది నమ్మినది గాక
తప్పులు వట్ట నేర దాతరుణి నిన్ను
నెప్పున నీ విందుకుఁ గా నీవేల వెరచి రావు
చెప్పేఁ గాని యింటికి విచ్చేయవయ్యా నేఁడు
చ. 2: నీసుద్దుల కెల్ల నాపె నెట్టన నోరిచెఁ గాక
సేసే నంటే నీ వింతిచేఁతకు వేలె
పాసి యిందుకుఁ గా సిగ్గుపడి యీడఁ గొంక నేల
సేసతో మాయింటికి విచ్చేయవయ్య ఘనుఁడా
చ. 3: ముంచి యలమేలుమంగ మొకమోడి కూడెఁ గాక
వంచే నంటే నాపె నీతో వాదు వెట్టదా
యెంచుక శ్రీవెంకటేశ యిందుకుఁ గా నవ్వ వేల
చించితి మాట యింకా విచ్చేయవయ్య యింటికి