ఈ పుట అచ్చుదిద్దబడ్డది
రేకు: 0399-4 కేదారగౌళ సంపుటం: 11-592
పల్లవి: ఇప్పుడే వేరిగ మేల యిందుకుఁ గాను
వొప్పగించితిమి వల పోపరో విభుఁడా
చ. 1: నయగారినీమాటలు నమ్మకుండ నెట్టు వచ్చు
రయమును నీవా రైనరమణులకు
ప్రియము నీవు చెప్పఁగ బిగియఁగ నెట్టు వచ్చు
దయ నీకుఁ గలితేను తానే వచ్చీఁ గాకా
చ. 2: నంటున నీవు నవ్వఁగ నవ్వకుండ నెట్టు వచ్చు
జంట లైన సేసపాలసతులకును
వెంట నీవుదిరుగఁగ విడువఁగ నెట్టు వచ్చు
యింటికి విచ్చేసినప్పు డెనసేము గాకా
చ. 3: చేరి కాఁగిలించుకోఁగా సిగ్గువడ నెట్టు వచ్చు
కోరి నీ కెదురు చూచేకొమ్మలకును
ఆరయ శ్రీవెంకటేశ అలమేలుమంగ నేను
యీరీతిఁ గూడఁగ నిన్ను నియ్యకొనేఁ గాకా
