ఈ పుట అచ్చుదిద్దబడ్డది
రేకు: 0399-3 రామక్రియ సంపుటం: 11-591
పల్లవి: నిన్ను మెచ్చుకొనేవో నానేరుపు మెచ్చేవో కాని
పన్ని నీవూడిగానకు ప్రౌడఁ జుమ్మీ విభుఁడ
చ. 1: చెక్కులు నీవు నొక్కఁగ చిత్తము గరఁగెఁ గాక
యెక్కువ కోప మెం తందు నిందాఁకను
తక్కరీఁడవు నౌదువు తగవరిని నౌదువు
చక్కఁ జాయకు రా నేను జాణఁ జుమ్మీ విభుఁడ
చ. 2: బాసలు నీవు సేయఁగఁ బరిణామ మాయఁ గాక
యీసు నీపై నే మందు నిందాఁకను
ఆస చూప నెరుఁగుదు ఆదరించ నెరుఁగదు
రాసి కెక్క నీ కిచ్చకురాలఁ జుమ్మీ విభుఁడ
చ. 3: మచ్చిక నీవు గూడఁగ మరి నే లో నైతిఁ గాక
యెచ్చుకుందు లెంచుకోవా యిందాఁకను
అచ్చపు శ్రీవెంకటేశ అలమేలుమంగ నేను
తచ్చి కూడితిని మేలుదానఁ జుమ్మీ విభుఁడా
