ఈ పుట అచ్చుదిద్దబడ్డది
రేకు: 0399-2 సామంతం సంపుటం: 11-590
పల్లవి: తరుణి నైనా నేను దయ లేనిదాననా
వెరవుతో నీ వుండఁగా వేగిరింతునా
చ. 1: మొగము చూచి నాకు మందట నిలుచుండఁగా
పొగరుముంపున నిన్నుఁ బో మ్మందునా
నిగిడి నీవొళ్లఁ దొల్లి నేర మేమి గలిగినా
పగటున నప్పు డట్టె పంగింతునా
చ. 2: మంచివానిలె నాతో మాట లిట్టె యాడఁ గాను
చంచలించి నిన్ను వద్దు చాలు నందునా
యెంచుకొని నీ వెవ్వతెయింట నుండి వచ్చినాను
మంచ మెక్కి యింక నీతో మారుకొనేనా
చ. 3: కడుఁ జుట్టమ వై నన్నుఁ గాఁగిటిలోఁ గలయఁగా
జడిసి వేడుక చెల్లించక వుందునా
అడరి శ్రీవెంకటేశ అలమేలుమంగ నేను
వడి నన్నుఁ గూడితివి వాసులు వట్టుదునా