ఈ పుట అచ్చుదిద్దబడ్డది
రేకు: 0398-4 సారంగనాట సంపుటం: 11-586
పల్లవి: ఎటువంటి చుట్టమే నా కెంత కలసినవాఁడే
సటలు సేసి వీని చంద మేమి చందమే
చ. 1: అలుక సేసుక నేనే అవ్వలిమో మై యుండఁగ
పిలిచీ నూరక నన్నుఁ బేరుకొని
పలుక కుండఁగఁ దానె పకపక నవ్వుకొంటా
నిటుచున్నాఁ డిదె వీనినేరు పేమి నేరుపే
చ. 2: ముడిపడ్డ బొమలతో ములుగుతా నుండఁగాను
తడవీ నూరక నన్నుఁ దతి గొని
చిడుముడితో నుండగఁ జేతులు చాఁచుకొంటా
వొడివట్టి నన్నుఁ దీసీ వోరు పేఁటి వోరుపే
చ. 3: పట్టినచలముతో నేఁ బవళించి వుండఁ గాను
వొట్టుక దగ్గరి నామై వొళ్లు వేసీని
అట్టె శ్రీవెంకట్టతి అలమేలుమంగ నేను
తిట్టఁగానె కూడె వీనితెగు వేఁటి తెగువే