ఈ పుట అచ్చుదిద్దబడ్డది
రేకు: 0398-3 లలిత సంపుటం: 11-585
పల్లవి: ఎంత మొగ మోడి యున్నా నెఱఁగవు నీయంత
పొంతనె నా కిఁక నీవు బుద్ది చెప్ప వలెనా
చ. 1: మనసు నొవ్వదు గదా మాటలాడే నీతోను
విను నిజ మాడెటి వెఱ్ఱిదానను
తనివోక వాడవారిఁ దమకాలు రేఁచి వచ్చి
యెనసి నాతో నవ్వేవు యేది నిజ మయ్యా
చ. 2: సిగ్గు వడవు గదా చెలులఁ దారుకాణించే
కగ్గి కల్ల కోరువనిగబ్బిదానను
వెగ్గళించి వీరి వారి వెంటనె పెట్టుక వచ్చి
అగ్గ మైనవాఁడ నంటా నాన వెట్టే వయ్యా
చ. 3: నెలవి నవ్వవు గదా చేతిలోనే వాసి చూపే
వలచి యెగ్గెంచని భావపుదాననూ
కొలఁది మీఱఁగ నన్నుఁ గూడితి శ్రీవెంకటేశ
అలమేలుమంగను నే నట్టె కావవయ్యా
