ఈ పుట అచ్చుదిద్దబడ్డది
రేకు: 0398-2 హిజ్జిజి సంపుటం: 11-584
పల్లవి : బోన మెల్లా జల్ల నారి పొద్దు వోయను
పూని నేము నీ కెట్టె బుద్ది చెప్ప వలెనా
చ. 1: పొత్తుకు నీవు రమ్మంటేఁ బొలిఁతి దా సిగ్గువడి
చిత్తములోఁ గొంకి కొంకి చెక్కు చేఁ బెట్టి
హత్తి యాపెకు నీ మీఁద నాన లేల పెట్టేవు
బత్తి గలితేఁ జేయి వట్టి తియ్య రాదా
చ. 2: కడి సేసి చేతి కియ్యఁగా నింతి నవ్వుకొంటా
చిడుముడి మారుమోము సేసుకొని
అడరి రాదాయ నంటా నాపెతో నలుక లేల
కడు నీకు వేడు కైతే కమ్మి మొక్క రాదా
చ. 3: సతిఁ గాఁగిలించి పట్టి చవులు నోటి కియ్యఁగ
రతి బువ్వ మారగించి రమణి మెచ్చె
యిత వై శ్రీవెంకటేశ యీ యలమేలుమంగను
మతకానఁ గూడితివి మరి వేళ లేదా