ఈ పుట అచ్చుదిద్దబడ్డది
రేకు: 0398-1 లలిత సంపుటం: 11-583
పల్లవి: మానవు నీవోజ లింకా మా కేల యింత
కానీలే మగవాఁడవు కాకు సేసేవా
చ. 1: వాసికి నీమీఁద నేను వలపు చల్లితిఁ గాక
యీసుల యెగసక్యాన కింత నవ్వేనా
చేసిన నీచేఁతలు సిర సూఁచుకొంటిఁ గాక
పాసినతమకానకుఁ బగ చాటేనా
చ. 2: యిచ్చగించి నీపైఁ జేయి యిట్టె నే వేసితిఁ గాక
చొచ్చి నీమేనిగురుతు చొప్పు లెత్తేనా
మెచ్చి నీ వీపనులకు మేఁటి వని యుంటిఁ గాక
విచ్చనివిడిగా నిన్ను వెంగె మాడేనా
చ. 3: కందువకు నీవు రాఁగాఁ గాఁగిట నించితిఁ గాక
అంది నిన్ను బలిమి సేయఁగ వచ్చేవా
అందపు శ్రీవెంకటేశ అలమేలుమంగ నేను
విందువలెఁ గూడితివి వేసరించేనా
