ఈ పుట అచ్చుదిద్దబడ్డది
రేకు: 0397-5 రామక్రియ సంపుటం: 11-581
పల్లవి: వేళ గానివేళ వచ్చి వెదకేవు
యేలినరమణునితో నింత రట్టు గలదా
చ. 1: యేచిన నీనాయకుఁడు యింట నున్నాఁ డంటావచ్చి
చూచేవు నలుదిక్కులు సోదించి
యీచాయ నుండె నాతఁడు యిట్టె పిలుచుక వచ్చేఁ
గూచుండవమ్మా నీవు కోపగించుకొనకా
చ. 2: వొద్ద నెవ్వతెఁ బెట్టుక వున్నాఁడో యనుచు
నద్దమరేతిరి పొంచు లాలకించేవు
నిద్దురతో నెం దున్నాఁడో నే నతనిఁ దోడితెంచే
వద్దు వీడె మిందవమ్మ వట్టిచల మేఁటికి
చ. 3: మామాట వినక నీవు మాడుపుటింటిలో చొచ్చి
కామించి శ్రీవెంకటేశుఁగని కూడితి
యే మమ్మ అలమేల్‌ మంగ యింటికే యీతనిఁ దెచ్చే
ప్రేమాన నా వెంట రావో పెనఁగించుకొనకా
