ఈ పుట అచ్చుదిద్దబడ్డది
రేకు: 0397-4 కన్నడగౌళ సంపుటం: 11-580
పల్లవి: ఎట్టు సేసినా నీచిత్త మింతే కాక
తట్టి నిన్ను వెగ్గళించఁ దగునా మాకును
చ. 1: మంతన మాకెతో నాడి మరి నన్నుఁ గని లేచి
చెంత నా కిచ్చక మాడి చెక్కు నొక్కేవు
యింతటి మగవాఁడవు యేల నీ కింత వెఱపు
కాంతలము యేమి సేయఁ గల మయ్య నిన్నును
చ. 2: యిద్దరూఁ గూ డుండఁగాఁ జూ చిట్టె నేఁ దిరిగి రాఁగా
గద్దించి నాకొంగు వట్టి గడె వెట్టేవు
వుద్దండీఁడవు మాతోడ నూర కనుచర ణేల
అద్దో వూడిగపువార మవుఁ గా దనేమా
చ. 3: యిట్టె యాచెలియఁ గూడి యే మైనాఁ జేసుకొమ్మని
వొట్టుక నాపైఁ దెచ్చి వొళ్లు వేసేవు
నెట్టన శ్రీవెంకటేశ నే నలమేల్మ౦గను
ఱట్టడి నిన్నుఁ గూడి యాఱడికి నోపుదుమా
