ఈ పుట అచ్చుదిద్దబడ్డది
రేకు: 0397-3 మాళవి సంపుటం: 11-579
పల్లవి: పో పో నీపొందు చాలు పొసగ దిఁక
వైపు గా దనుచు నాతో వడిఁ బోరాడేనా
చ. 1: అప్పుడే ఆపెమాఁటకు నదలించ వలదా
విప్పుచు నన్నుఁ దిట్టఁగా విందురా నీవు
చెప్ప నేల నీతోడిచెలి మేఁటి చెలిమి
ముప్పిరి చుట్టమ వంటా మొగము చూచేదా
చ. 2: మచ్చరాన నవ్వఁ గాను మానుపంగ వలదా
వొచ్చాన నావేళ నా పెవొద్ద నుందురా
యిచ్చకాన నీకు నాకు నేఁటి మొగమోట మింక
వచ్చినదే పదివేలు వాదులాటే చాలును
చ. 3: పొత్తునఁ గూచుండితేను పొ మ్మనంగ వలదా
అత్తల సరి నేతురా ఆపెను నన్ను
అత్తిన శ్రీవెంకటేశ అలమేలుమంగ నేను
బత్తితో నన్నుఁ గూడితి పంత మేఁటి పంతమూ
