ఈ పుట అచ్చుదిద్దబడ్డది
రేకు: 0397-2 కాంబోది సంపుటం: 11-578
పల్లవి: ఇట్టె వీడె మందుకోవు యెందాఁకాను
పట్టపగలే వచ్చితి పరా కేఁటి కోయి
చ. 1: కంటికి నిద్దుర రాక కాచుకుందాన నీరాక
యింటికి రా వే మోయి యెందాఁకనూ
జంట లైనసతులతో జాణతనా లాడఁ బట్టె
వెంటనే తిరుగ కనువేళ గాన నోయీ
చ. 2: నెయ్యమున విందు చెప్పి నే నీకు మొక్కఁగాను
యియ్యకొన వే మోయి యెందాఁకనూ
యియ్యెడ నందరితో నీ కేకతా లాడనే పట్టె
అయ్యో నిన్ను నిష్ణూరము లాడ నేర నోయీ
చ. 3: కంకి నేసి రతులను కాఁగిటఁ గూడితి నిన్ను
యింకాఁ దనియ వే మోయి యెందాఁకను
అంకెల శ్రీవెంకటేశ అలమేలుమంగ నేను
సంకె లేదు వురుముపై సత మైతి నోయి
