ఈ పుట అచ్చుదిద్దబడ్డది
రేకు: 0396-6 రామక్రియ సంపుటం: 11-576
పల్లవి: ఇంత వెల్లవిరి గద్దా ఇంతుల వలపు లెల్లా
కాంతునికి నొప్పగించి కాకు సేసేవూ
చ. 1: అందుపుఁజెక్కులతోడి యలమేలుమంగ నీ
వంది కైలా గియ్యవయ్య ఆతినికిని
కందువ కన్నులఁ జూచె కరఁగి వుందానవు
యిందుకే యీతఁడు నవ్వీ నిది గదవమ్మా
చ. 2: బంగారువన్నెలతోడిపడఁతి
సంగతి నీపతికొప్పు చక్కఁ బెట్టవో
ముంగిట నాతఁ డుంటెనె మురిసేవూ
చెంగట నాతఁ డేసుద్ది చెప్పీఁ జెలులకూ
చ. 3: కప్పురపువాసనకలికి
యిప్పుడె శ్రీవెంకటేశు నెనసితివి
తప్పక చూచి మఱియుఁ దమకించేవూ ఆతఁ
డప్పటి నిందుకు లో నాయఁ గదవమ్మా