ఈ పుట అచ్చుదిద్దబడ్డది
రేకు: 0396-5 సాళంగం సంపుటం: 11-575
పల్లవి: కొమ్మలాల అమ్మలాల గోవిందరాజు మీపాల
నిమ్ములఁ జి క్కున్నే వాఁడు యిక నే మమ్మా
చ. 1: పరపుమీఁద నూరక పవళించుండుట గాని
నిరతి మీవిభునికి నిద్దుర లేదు
పరగ మీ రిద్దరును పాదములు పిసుకఁగ
సురతమర్మపుఁ గాఁకఁ జొక్కీ నదే
చ. 2: వున్నతితోఁ గొలు విచ్చి వుండుట యింతే కాని
కన్నులచూపు మీపైనే కదరమ్మా
మన్ననసతులు మీకు మాట లిట్టె యాడఁ గాను
విన్నవినకుల మెచ్చి విఱ్ఱవీఁగే నదివో
చ. 3: పూఁచి భుజములు మూఁడై పొరలి వుండుట గాని
చాఁచినకరము మీకే సన్న సేసీని
ఆఁచి శ్రీవెంకటగిరి నదె తిరుపతిలోన
రేంచినమోహన గూడె రేయిం బగ లదివో