ఈ పుట అచ్చుదిద్దబడ్డది
రేకు: 0396-4 శంకరాభరణం సంపుటం: 11-574
పల్లవి: ఏమి గంటివి నావల్ల నిట్టె కాచుక తిరిగి
ఆమీఁదఁ గదా నిన్ను నట్టె మరిగితిని
చ. 1: వుపచిరించ నేరక వూర కున్న నాపై నొక్క
నెపానఁ బాదాలు చాఁచి నీవే మెచ్చేవు
యెపుడూ సరస మాడ నెరఁగని ననుఁ దెచ్చి
వుపమల నాచేయి నీవొళ్లిపై వేసేవు
చ. 2: దవ్వుల నే నూర కున్న దగ్గరఁ బిలిచి నీవే
నవ్వులు నవ్వి ననుపు నటియించేవు
జవ్వనపు సిగ్గుతోడ సరిఁ దల వంచుకొంటే
చివ్వన నామొగ మెత్తి చెక్కు నొక్కేవూ
చ. 3: మాట లాడ కుండితేను మంతనము గడియించి
నీటున మందెమేళాలు నీవే సేసేవూ
గాఁటపు శ్రీవెంకటేశ గక్కనఁ గూడితి నంటా
మాటికి మాటికి నన్ను మన్నించేవూ
