ఈ పుట అచ్చుదిద్దబడ్డది
రేకు: 0396-3 శుద్దవసంతం సంపుటం: 11-573
పల్లవి: పలుకవే చెలియా పంత మెచ్చెనే
చలి వాసి నీవలపు చవు లెక్కెనే
చ. 1: నీ వెంత గోపగించి నేరుపుతోఁ దిట్టి నాను
వావిరి నిండా నవ్వు వచ్చీనె నాకు
కావిరితో నీ వెంత కాఁకా దేరఁ జూచినాను
మూవంకఁ దమకమే ముంచీ నాకు
చ. 2: పూఁచి పట్టి నీ వెంత బొమ్మల జంగించినాను
చాఁచి మందెమేళములు జూజుకొనీనే
రేఁచి నీవు నన్నుఁ గడు రేసు లెంత వుట్టించినా
తూఁచినట్టు కళ లెల్లా తుద ముట్టెనే
చ. 3: కాతరించి నీ వెంత కాఁగిట బిగించినాను
యీతల నా కంత కంత కింపు వుట్టెనే
యేతులకు శ్రీవెంకటేశుఁడ కని కూడితి
నీతలఁపు నావలెనె నేర్పున రూ పాయనే