ఈ పుట అచ్చుదిద్దబడ్డది
రేకు: 0396-2 సామంతం సంపుటం: 11-572
పల్లవి: రాజసపుదాన నంటా రవ్వ సేసేరు గకన
వోజ నా కిటువంటిదె వూహించుకొనరే
చ. 1: వొలిసీ నొల్లమితోడ వూరకె తా నుండఁ గాను
బలిమి సేసి పెనఁగఁ బాడి యౌనా
పిలిచినప్పుఢు మరి ప్రియముతో వచ్చేఁ గాని
తలఁగి లోననే వుండేఁ దతి యెరిఁ గుండరే
చ. 2: పంతము ముంగిట వేసి పరాకుతో నుండఁ గాను
పొంతఁ జేసన్నలు చూప బుద్ది వుట్టునా
చింతతోఁ గావలె నంటే చెప్పినట్టు సేసేఁ గాని
మంతనానఁ బండి వుండేమన సెరిఁ గుండరే
చ. 3: బయలు మెరసి తానె పైకొని న న్నంటఁ గాను
నయ మిచ్చి కూడ కున్న నాయమా నాకూ
క్రియతో శ్రీవెంకటాద్రిగిరి నితఁడె కూడె
దయ తనపాటి నాకు తగ వెరిఁ గుండరే
