ఈ పుట అచ్చుదిద్దబడ్డది
రేకు: 0395-6 హిందోళం సంపుటం: 11-570
పల్లవి: కామిన యప్పటినుండి కాచు కున్నది
యీ మోహ మోఱఁగ కున్న నెగ్గు వట్టుఁ జుమ్మి
చ. 1: చక్కఁ జూడ రాదా సతి నిన్నుఁ జూడఁ గాను
యెక్కడో పరా కై యేమి సేసేవు
మొక్కి నాపెవిద మెంత ముంచి నీరాజస మెంత
తక్కు లిఁక మాన కున్న తమకించుఁ జుమ్మీ
చ. 2: మాట లాడ రాదా మగువ నిలుచుండఁగ
నేఁటికి నీకుచ్చితము లేల చూపేవు
మేఁటి యాపెప్రియ మేడ మించిన ఈ బలు మేడ
నీటుతో మన్నింప కున్న నేరమి యౌ జుమ్మీ
చ. 3: చిత్తగించ రాదా చెలి వద్దఁ గూచుండఁగ
యెత్తిన నీ యెమ్మె లింక నేల మానవూ
పొత్తుల శ్రీవెంకటేశ పొందితి వీపె నింతట
హత్తి యిట్టె వుండ కున్న నాఱడి యౌఁ జుమ్మీ