ఈ పుట అచ్చుదిద్దబడ్డది
రేకు: 0395-5 శంకరాభరణం సంపుటం: 11-569
పల్లవి: ఏమియుఁ గొలుప వింక నేఁటి మాటలూ
యీమన సెల్లఁ గంటిమి యిఁక నేటి మాటలు
చ. 1: వున్నతి నీ హరములు వొకతెమెడ నుండఁగ
నెన్నుకొంటి విందాఁక నేటి మాటలు
నిన్ను సతు లెల్లాను నేరము లెంచే దెల్లా
నిన్నిటాను సరి వచ్చె నిఁక నేటి మాటలు
చ. 2: మేలిమి వింతవాసన మేన నీవు నించుకొని
యేల న న్నొడఁబరచే వేఁటి మాఁటలు
పాలించి యాపెకు నీవు బాస లెల్ల నిచ్చి వచ్చి
యీలీల ముచ్చట లాడే విఁక నేఁటి మాఁటలు
చ. 3: నవ్వుతా నొకతెతోడ నంటు సేసితి విందాఁక
యివ్వల నన్నుఁ బిలిచే వేఁటి మాటలు
రవ్వగా శ్రీవెంకటేశ రతి నన్నుఁ గూడితివి
యెవ్వతెతోడుత నీకు నిఁక నేఁటి మాటలు
