ఈ పుట అచ్చుదిద్దబడ్డది
రేకు: 0395-3 సామంతం సంపుటం: 11-567
పల్లవి: ఇయ్యకో లయినమీఁద నిఁక నేలా
నెయ్యము లాతఁడు నాపై నెరపీఁ జూడరే
చ. 1: యెన్నినేరా లైనఁ గానీ యెక్కడ నైనా నుండనీ
వన్నెగా నేర మ్మంటే వచ్చెఁగా తాను
మన్ననలు నా కిచ్చె మాఁటలూ నాచేత వినె
మున్నిటి సుద్దులిం కేమీ ముదులకించకురే
చ. 2: యెం దైనా సన్న సేయనీ యెవ్వ తైనాఁ గూడనీ
యిందు నాపై నాన వెట్టె నిప్పుడే తానూ
అంది నాపైఁ జేయి వేసే నంతరగ మెల్లఁ జెప్పె
నింద లాడేమాట లెల్ల నిలువఁ బెట్టకురే
చ. 3: మన సెట్టైనై నుండనీ మంతనాలె యాడనీ
కొన కెక్క నను నేఁడు గూడెఁగా తాను
యెనసెను శ్రీవెంకటేశ్వరుఁ డీతమితోడ
నను పైతి మిద్దరము నవ్వులు నవ్వకురే