ఈ పుట అచ్చుదిద్దబడ్డది
రేకు: 0395-2 సామంతం సంపుటం: 11-566
పల్లవి: విన్నప మొక్కటే నీకు వేవేలకు
మన్నించక నీకుఁ బోదు మామనసు నీది
చ. 1: చేరి మొక్కే వారమూ సేవ సేసేవారమూ
యేరితి మాట లాడినా నే మాయ నీకు
నేరనివారు దిట్టితే నీకఁ బోదు బుద్ది చెప్ప
భారము నీదే సు మ్మయ్య పడఁతినే నీకు
చ. 2: నీతోడివారమా నీసరివారమా నేము
యీతల నేఁ గైకొన్న నే మాయ నీకు
కాతరాన నే రా కున్నఁ గదియక నీకుఁ బోదు
నాతప్పులు నీవి సుమ్మీ నాపతిని నీవూ
చ. 3: కాంతుఁడ శ్రీవెంకటేశ కాఁగిటిలోని వారమూ
యెంత నిన్ను జంకించినా నే మాయ నీకు
అంతరంగ మైనవారి నాదరించ కిఁకఁ బోదు
పంతము నీది సుమ్మీ బడిదాన నేను