ఈ పుట అచ్చుదిద్దబడ్డది
రేకు: 0394-6 సామంతం సంపుటం: 11-564
పల్లవి: సరవు లెరఁగ మయ్య చాలు నింత కోపము
కరగించి సొలసితే గర్వ మనేవూ
చ. 1: కందువలుగా నీకుఁ గతలు నేఁ జెప్పఁ గాను
అంది నీమీఁద బెట్టుక అట్టె నవ్వేవు
యిందు రమ్మనుచు నిన్ను నింటికిఁ బిలచుకొంటే
యెందో పో నియ్య ననుచు నెమ్మె చూపేవూ
చ. 2: వద్ద నుండి సతులను వారి వీరిఁ జూపితేను
అద్దో నింద లాడె నంటా నాన వెట్టేవు
తిద్దుకో కస్తూరిబొట్టు తెర దిగ వేయు మంటే
గద్దించి యట్టె నన్నుఁ గాఁగిలించేవూ
చ. 3: పూస గుచ్చినట్టు నీకు బుద్దులు నేఁ జెప్పితేను
ఆసతో నామోవి మోవి నందుకొనేవు
వానితో శ్రీవెంకటేశ వడి నన్నుఁ గూడితివి
రాసి కెక్కితి వంటేను రతికిఁ దీసేవూ