ఈ పుట అచ్చుదిద్దబడ్డది
రేకు: 0394-5 సామంతం సంపుటం: 11-563
పల్లవి: అటువంటివాఁడవా అద్దో నీవు
నటన మొకమోటాలు నడుపేవు గాకా
చ. 1: తలఁపులోపల నీకు తగులు గలిగితేను
అలరి రా కుండుదువా అక్కడ నీవు
చలముల నెవ్వతో జాగులఁ బెట్టుక నిన్ను
వెలి లోను మఱపించి వెఱ్ఱిఁ జేసెఁ గాకా
చ. 2: కడుఁ దమకము నీకుఁ గమ్మి పెరరేఁచితేను
అడరి నాతో మాట లాడ కుందువా
వడి నెవ్వతో నిన్ను వాకట్టు గట్టుక యింత
ముడి వెట్టి విడిచి తా మొప్పెఁ జేసెఁ గాకా
చ. 3: తటుకన నన్నుఁ గూడేదయ నీకు లే కుండితే
ఘటన నెదురుకొని కాఁగిలింతువా
యిటువలె శ్రీవెంకటేశ కడపలోన
సటల కెవ్వతో నిన్ను చండి సేసెఁ గాకా
