ఈ పుట అచ్చుదిద్దబడ్డది
రేకు: 0394-4 ఆహిరి సంపుటం: 11-562
పల్లవి: నాతో నూరకే నీవు నవ్వేవు గాక
రాతిరి నీమాఁట వూరక పోవ నిచ్చేవా
చ. 1: కొంకక నీవును నేనుఁ గూడి యున్న రతివేళ
బింకము లాడుచు నట్టె పెనఁగితివి
అంకెల నాకుచములు అంతవేఁగు లని నీవు
జంకెనతో ములిగేవు సత్తు వెల్లా నిట్టిదా
చ. 2: మంచముపై నిద్దరము మంతన మున్నంతపడి
కంచువలె వాఁగెను నీ గబ్బికుత్తికె
కొంచపు నామాట లివి కొండలనెల లనుచు
యించుకలో భ్రమసేవు యిట్టిదా నీవోరుపు
చ. 3: మోవి మోవిఁ గూడి తేనె ముసరి యానినఁదాకా
నీవు నే న నెరఁగవు నిండఁ జొక్కుచు
శ్రీవెంకటేశుఁడు గోరఁ జెనకితేఁ దెలిసేవు
యీవల నీతో కూటము లిటుంటివా