ఈ పుట అచ్చుదిద్దబడ్డది
రేకు: 0394-3 ముఖారి సంపుటం: 11-561
పల్లవి: ఒద్ద నున్నదాన నేను వొక్కటి గాఁ దాడవా
దిద్దుకోఁ గలమా ట్టెల్ల తేరుచుకొ మ్మనవే
చ. 1: తన మేలే కలితేను తాపముఁ బాసేఁ గాక
ఘనుఁడు నిన్నే లంపె యిక్కడికి నేఁడు
మనసుతో నున్నదాన మారుమాట లాడేనా
మనుపటివారి బాస ముగియించు మనవే
చ. 2: యేకత మైనవేళ యిట్టె నే వచ్చేఁ గాక
యీకడ మాయింటికిఁ దా నేల వచ్చీనే
చేకొలఁదిదాన నేను చిత్తము నొప్పించేనా
పై కొన్న వారి పొందులపని దీర్చు మనవే
చ. 3: నే వెట్టినట్టిదాన సేవలు సేసేఁ గాక
ఆస నేల వేఁడుకోనీ నప్పటిఁ దానూ
వేసరక నన్నును శ్రీవెంకటేశ్వరుఁడు గూడె
రాసి కెక్కె నీవలపు రవ్వ మాను మనవే