ఈ పుట అచ్చుదిద్దబడ్డది
రేకు: 0394-2 కేదారగౌళ సంపుటం: 11-560
పల్లవి: విచ్చనవి డాయ నేఁడు వెర పేల యిఁక నీకు
నిచ్చల మాయమనసు నే మే మనే మయ్యా
చ. 1: కన్నుల మొక్కితిమీ కాఁకలఁ జిక్కితిమీ
సన్నలు మాతో నింకాఁ జాలదా అయ్యా
వెన్నెలలే యెండ లాయ వేగి యిది వొ ద్దాయ
నిన్నుఁ గాక వచ్చె నిట్టె నే మే మనే మయ్యా
చ. 2: యిచ్చక మాడితిమీ యింతగా నోడితిమీ
మచ్చిక లింకా మాతో మానవా అయ్యా
రచ్చలో నిన్నుఁ గంటిమి రాతిరే వింటిమి మాట
నెచ్చెలిచేఁ జెప్పెంపేవు నే మే మనే మయ్యా
చ. 3: కుందువ తెరిగితిమీ కాఁగిటఁ గరఁగితిమీ
సందడి నవ్వేవు మాతో చలమా అయ్యా
యిందుకె శ్రీవెంకటేశ యిటు నన్నుఁ గూడితివి
నింద లెల్లాఁ బాసె నిన్ను నే మే మనే మయ్యా
