ఈ పుట అచ్చుదిద్దబడ్డది
రేకు: 0394-1 గుండక్రియ సంపుటం: 11-559
పల్లవి: నీవే మంచివాఁడ వయ్య నేనే వీరిడిఁ గాని
భావించి నామంకు నేనే పాపఁగల నింకను
చ. 1: సారె సారె నిన్ను దూరి సణఁగులే యాడితిని
భారపు నీసతులకుఁ బగ యైతిని
యీరీతి నిన్నుఁ జేసి యేఁటిజన్మ మెత్తితినో
తేరకొన నన్ను నేనే తిట్టుకొంటి నిందుకు
చ. 2: కపటాన నీమీఁద గబ్బిచూపు చూచితిని
కపురుల నీమనసు గలఁచితిని
యిపు డిందు కొడిగట్టి యెందుకు మంచిదాననో
వుపమించి నాకు నాకే వుస్సు రంటి నేను
చ. 3: ఱట్టుగఁ నిన్నుఁ గూడి యుఱక యలయించితిని
కట్టఁగడ నిన్నుఁ దిరుగ నీనైతిని
యిట్టినన్ను శ్రీవెంకటేశ నేఁడు గూడితివి
నట్టనడమ నిందుకే నవ్వుకొంటి నేనూ
