ఈ పుట అచ్చుదిద్దబడ్డది
రేకు: 0393-4 గుజ్జరి సంపుటం: 11-556
పల్లవి: ఆలుక గాదు నీతో నన్నిటా మన్ననదాన
చలపట్టి యందరితో సరి సేయ కిఁకను
చ. 1: చిత్తము నొవ్వకుమీ చెప్పే నే నొకమాట
హత్తిమంచ మెక్కు మన కంతే చాలు
యిత్తల నీ కూడిగాలు యెన్ని యైనఁ జేసేఁ గాని
పొత్తుల యెంగిలితోడి బోగము సయించదు
చ. 2: ఆనలు వెట్టకుమీ అడిగే నే కొకయీవి
పూని నాతోడ నవ్వకు పొందులే చాలు
కానిమ్మని నీవద్ద నేఁ గాచుకుండే నేపొద్దు
సానఁ బట్టేసరసాలు చవి గాదు నాకును
చ. 3: చేతుల మొక్కకుమీ సేసేఁ గాని నీమాఁట
రాతిరి నన్నుఁ గూడినరతులే చాలు
యీతల శ్రీవెంకటేశ యిప్పుడు నన్నుఁ గూడితి
కాతరాన నీతోడఁ గపట మెరఁగనూ