ఈ పుట అచ్చుదిద్దబడ్డది
రేకు: 0393-2 సాళంగం సంపుటం: 11-554
పల్లవి: చెలులతో నీసుద్దులు చెప్ప వచ్చునా
చలము మన లోలోనె సాదించుట గాకా
చ. 1: మచ్చిక నీతిట్లూను మనలోని వొట్లూను
చెచ్చెర నొరులతోడఁ జెప్ప వచ్చునా
కొచ్చి బొమ్మల జంకించి కోపముల నుంకించి
రొచ్చుల మతికాఁక దీరుచుకొంట గాకా
చ. 2: నీ చేఁతలను మన నెట్టుకొన్న మర్మములు
చేచేత నొరులతోడఁ జెప్ప వచ్చునా
తాచి నిట్టూర్పు నెరపి తగఁ గన్నులు గిరపి
యేచి మనలో మనమే యిందుకొంట గాకా
చ. 3: యింతేసి నీ వినయాలు యిక్కువ మనరతులు
చెంతల నొకరితోడఁ జెప్ప వచ్చునా
పంతపు శ్రీవెంకటేశ భావములనే చొక్కి
వింత సంతసాల విఱ్ఱవీఁగుకొంట గాకా