ఈ పుట అచ్చుదిద్దబడ్డది
రేకు: 0393-1 శుద్దవసంతం సంపుటం: 11-553
పల్లవి: ఇప్పు డేల చవు లయ్యీ నింపులు చాలనిపొందు
చప్ప నైనా నుప్ప నౌను సమ్మ తైతేఁ గాకా
చ. 1: చలము సాదించేచోట సలిగెలు చెప్పఁ బోతే
ములుచదాన ననవా మొదల నీవే
వలచినవేళ నెంత వడి నేఁ గోపించినాను
తల ఱాయి సేసుకొని తగులుదు గాక
చ. 2: నయము చాలనిచోట నవ్వులు నవ్వఁగఁ బోతే
బయకారించె ననవా పక్కన నీవే
ప్రియము గలవేళను బిగి నెంత నే నుండినా
దయ వుట్టి నీవు నన్ను దగ్గరుదు గాక
చ. 3: తమకము లేనిచోట తతిఁ బెనఁగఁగఁ బోతే
భ్రమసి వున్న దనవా పై పై నీవే
అమర శ్రీవెంకటేశ అట్టె నన్నుఁ గూడితిని
సమ మై యేకతవేళ సత మైతి గాకా
