ఈ పుట అచ్చుదిద్దబడ్డది
రేకు: 0392-6 శుద్ధవసంతం సంపుటం: 11-552
పల్లవి: ఇసుమంత పనికిఁ గా నెంత సేసేవు
విసు పేల వచ్చె నీకు వినవయ్య మాఁటా
చ. 1: తూఁగుమంచ మెక్కుకొని తొయ్యలి లేవ దంటా
తోఁగి చూచి నీవు వోఁగా దొడికి పట్టి
వేఁ గగు కుచభారము వీడఁగాఁ బెనఁగీ నాపె
వీఁగక మన్నించి నేఁడు వినవయ్య మాఁటా
చ. 2: తామెర నాపె వేయఁగఁ దాఁకి నీకు నొచ్చె నంటా
వోమి నీవు కళ వట్టి వూర కుండఁగా
మోము చిన్నఁబోయి యింతి మోవితేనె నీకు నిచ్చి
వేమారు వేఁడుకొనీని వినవయ్య మాఁటా
చ. 3: సిగ్గుతో నున్నది యంటా శ్రీవెంకటేశుఁడ నీవు
బగ్గన నవ్వలిమో మై పవ్వళించఁగా
దగ్గరి యందుకే యింతి తమకించి నిన్నుఁ గూడె
వెగ్గళించ కిపు డిట్టె వినవయ్య మాఁటా
