ఈ పుట అచ్చుదిద్దబడ్డది
రేకు: 0392-5 కొండమలహరి సంపుటం: 11-551
పల్లవి: నేనే కాదు చెలు లెల్ల నీగణ మెరుఁగుదురు
నానినవలపు చెప్ప నాతో నేల యిఁకనూ
చ. 1: మంతనాన మీ రిద్దరు మచ్చిక ముచ్చ టాడఁగ
వింతలుగా మీ సుద్దులు విననా నేసు
యింతలో నే నగిగితే యేరుపడఁ గత చెప్పే
వంతరంగ మెఱఁగదా ఆన లేల యిఁకను
చ. 2: మొదలనె మీకళల మొకములలో తేట
కదిసి చూచితి నిట్టె కానాన నేను
అదన నే నవ్వితేను అట్టె తెర వేసేవు
కదిమి నాతో నయగార మేల యిఁకను
చ. 3: పచ్చి గాఁగ నింటిలోన పానుపుపైఁ గూడినది
యెచ్చరికె లెరఁగనా యిప్పుడే నేను
అచ్చపు శ్రీవెంకటేశ అట్టె నన్నుఁ గూడితిని
ముచ్చిమి దీరినమీఁద మొక్కు లేల యిఁకను