ఈ పుట అచ్చుదిద్దబడ్డది
రేకు: 0392-2 శంకరాభారణం సంపుటం: 11-548
పల్లవి: నీవు మగవాఁడవు నెలఁత యాపె
వేవేలకు నైనాన వింత సేయఁ జెల్లానా
చ. 1: తచ్చి తచ్చి యాపెతో తారుకాణ నీకు నేల
యిచ్చగించి విన రాదా యింతలో నేమి
హెచ్చినకోపానఁ జెలి యే మన్నా ననెఁ గాక
మచ్చరించ యింత నీకు మారుమాట చెల్లునా
చ. 2: ముంచి తిట్టియాపెఁ జూచి మోవినె నవ్వఁగ నేల
యించుక వోరుచ రాదా యింతలో నేమి
మించలవనిత యెంత మీరినామ మీరెఁ గాక
అంచెల సతులతో నా కాడుకొనఁ జెల్లునా
చ. 3: కూడినవేళ యాపెతో గోరఁ జెనకఁగ నేల
యీడ జోడై యుండ రాదా యింతలో నేమి
వేడుక శ్రీవెంకటేశ వెలఁదిఁ గలసితివి
తోడనె తనివి లే దొమ్మి సేయఁ జెల్లునా
