ఈ పుట అచ్చుదిద్దబడ్డది
రేకు: 0392-1 మలహరి సంపుటం: 11-547
పల్లవి: ఎందాఁక నీసిగ్గు లేఁటికిఁ బెంచేవు
పొందులు దొరకెను బోగించ రాదా
చ. 1: చెలఁగి నీకురులు చేతుల దువ్వుచు
మలసెటిపతితో మా టాడవే
సెలవినవ్వుతోఁ జెక్కులు నొక్కి
చెలువుని చనవులు చెల్లించ రాదా
చ. 2: కదిసి చేసురటి కాంతుఁడు విసరీ
నదె చీచేతుల నందుకోవే
మొదల నాతఁడె ముచ్చట లాడీ
యెదు రుత్తరము నీ వియ్యఁగ రాదా
చ. 3: ఆతఁడు కాఁగిట నట్టె బిగించీ
నీతగ విప్పుడు నెరపఁ గదే
కాతరపు శ్రీవెంకటఘనుఁ డితఁడు
ఘాతలఁ గూడెను కనుఁగొన రాదా
