ఈ పుట అచ్చుదిద్దబడ్డది
రేకు: 0391-6 ముఖారి సంపుటం: 11-546
పల్లవి: చిత్తము వచ్చిన ట్టెల్లఁ జేసుఁ గాకా
బత్తితోడ నేల వొడఁబరచీనె నన్నునూ
చ. 1: చేరి తనతో నవ్వి సేసపాలకు లో నైతి
బీరాన నేఁ బొందు సేసి బేల నైతిని
సారె సారెఁ దనవంక జాలదా నా కింత మేలు
పోరి పోరి యిఁక నేమి బుజ్జగించీ నన్నునూ
చ. 2: కన్నులఁ జూచినందుకు కాలమందె లో నైతి
యెన్ని తనునే నమ్మి యిం తైతిని
మన్ననలు దనవంక మరి యింతకంటే నేవి
కొన్నకో లై యిఁక నేమి గొంగు వట్టీ నన్నునూ
చ. 3: మాటలు దనతో నాడి మన సిట్టె తనిసితి
యీటుకుఁ బెనఁగఁ బోయి యేక మైతిని
గాఁటపు శ్రీవెంకటాద్రిఘనుఁడు దా నన్నుఁ గూడె
ఆఁటదాన నేల మచ్చీ యప్పటిని నన్నునూ