ఈ పుట అచ్చుదిద్దబడ్డది
రేకు: 0391-5 పాడి సంపుటం: 11-545
పల్లవి: పొంచి పొంచి మాతో నేల పురుఁడు వెట్టుకొనేవు
నించి యిన్నిటా దొరవు నీకుఁ జెల్లదా
చ. 1: చలపట్టి మాకే నీతో జవదాఁట రాదు గాక
నెల వై పెచ్చు వెరుగ నీకుఁ జెల్లదా
కలది గ లట్టే మాకు కల్ల లాడ రాదు గాక
నిలువున బొంకు బొంక నీకుఁ జెల్లదా
చ. 2: మఱఁగు లెల్లా విరులు మాకుఁ జెల్ల దింతే గాక
నెఱి దాఁగి పొడచూప నీకుఁ జెల్లదా
తఱిఁ గపటము మాకుఁ దగవు గా దింతే గాక
నెఱవుదొంతగనాలు నీకుఁ జెల్లదా
చ. 3: చిమ్ముచు మాకే నీతో చేరి నవ్వ రాదు గాక
నెమ్మది సిగ్గు విడువ నీకుఁ జెల్లదా
నమ్మించి శ్రీవెంకటేశ నన్ను నిట్టె కూడితివి
నెమ్మి నన్ను మన్నించ నీకుఁ జెల్లదా