ఈ పుట అచ్చుదిద్దబడ్డది
రేకు: 0391-4 లలిత సంపుటం: 11-544
పల్లవి: నిన్ను మీర నోపను నే నెటువలె నుండిన
అన్నిటా నే నీకె లో నవుతే నాతగవూ
చ. 1: యెంత విరహవేదన నెట్లా నేఁ బొరలినా
రంతుల వేగిరించఁగ రాదు నిన్ను
యింతకంటే నీతో నే నెంత వొట్టు వెట్టుకొన్న
వంతలు నీయంకెలకు వచ్చుటే నాతగవు
చ. 2: ముంచి నాకు నీమీఁద మోహ మెంత యెక్కు డైన
చంచలించి వేగరించ సంగతా నాకు
మంచితనాననే నీకు ముందెమేళ మెంతయిన
పొంచి నీవేళ గాచుక పొందుటే నాతగవూ
చ. 3: వరుసతో నే నీకు వద్ద నిట్టే వుండినాను
గరిమె నే ముందు చెనకఁగఁ జెల్లునా
నిరతి శ్రీవెంకటేశ నీవే నన్నుఁ గూడితిని
ధరమీఁది పనులకుఁ దాలిమే నాతగవూ
