ఈ పుట అచ్చుదిద్దబడ్డది
రేకు: 0391-3 వరాళి సంపుటం: 11-543
పల్లవి: మొదల నేమీ నెరఁగ మూఢురాలను
యెదుట నీయాల నేను యీడేరించ వయ్యా
చ. 1: వోపి మంచము దిగక వుందు నొక్కక్కవేళను
రాపుగ నిన్నుఁ బొందిన రాజసానను
కోపగింతు నొకవేళఁ గొసరుదు నొకవేళ
ఆపాపము లే దని మా కానతియ్య వయ్యా
చ. 2: దగ్గరినవేళ నాపాదము దాఁకు నీ మేను
అగ్గలపుమందెవేళ మట్టె కాఁగాను
వెగ్గళింతు నొకవేళ వేసిరింతు నొకవేళ
యెగ్గు లే దని వరము లియ్య వయ్యా
చ. 3: యేకతపువేళ నిన్ను యే మైనా నందుము నేము
కైకొని చనవుతోడఁ గాఁగిట నించి
యీకడ శ్రీవెంకటేశ యేక మైతి మిద్దరము
వాకుదోసము లే దని వల లీవయ్యా
