ఈ పుట అచ్చుదిద్దబడ్డది
రేకు: 0391-2 మంగళకౌసిక సంపుటం: 11-542
పల్లవి: ఈపాటి మేలు సేసితి వింత చాలదా
మాపట్టుకు నీవు గాఁగా మన్నింతిని గాక
చ. 1: వంతుకు నామనసు రావలె నంటా నాపెచేత
పంతము లిప్పించే వేర పలుమారు
యెంతటివాఁడవు నీవు యే మేమి సేయ నేరవు
మంతనానా మముఁ గొంత మన్నించితి గాకా
చ. 2: ఆది గొని నేనే మైనా ననే నంటా నాపె చేత
పాదాలకు మొక్కించేవు పలుమారు
కా దంటే నీ వెంత కైనఁ గలవు నే నెరఁగనా
మాదెసఁ గొంత నీవు మన్నించితి గాకా
చ. 3: యెనయ నిద్దరి నొకయింటఁ బెట్టి యాపెచేత
పని నాకుఁ జేయించేవు పలుమారు
కొనబు శ్రీవెంకటేశ కూడితిని నన్ను నిట్టె
మన సిచ్చి నేఁ గాఁగా మన్నించితి గాకా