ఈ పుట అచ్చుదిద్దబడ్డది
రేకు: 0391-1 ముఖారి సంపుటం: 11-541
పల్లవి: చెప్పకు నీ వోరపులు సిగ్గు లయ్యీని
కప్పుక రాఁగానె కాక కడుఁ బెలుచవు
చ. 1: ఆయము దప్పక నిన్ను ఆడ కుండఁగానె కాక
వోయయ్య నీ వింతేసి కోరిచేవా
చాయ సేసుకొని నీతో సరి నవ్వే దెరఁగవు
నీయంతనే వచ్చి నిజము నెరుపేవు
చ. 2: సంగడి దప్పి నీపైఁ జేయి చాఁచ కుండఁగానె కాక
యింగితాన నెందు కైన నియ్యకొనేవా
చెంగట నీగుణములు చెల్లఁ బెట్టే దెరఁగవు
ముంగిటిచెలుల కెల్ల ముచ్చట చేప్పేవూ
చ. 3: కిమ్ముల బొమ్మలకు జంకించ కుండఁగానె కాక
నెమ్మది నీ దీమసాలు నెరుపేవా
యిమ్ముల శ్రీవెంకటేశ యిట్టె నన్నుఁ గూడితివి
సమ్మతించి యిప్పుడు గా చనువు లిచ్చేవూ
