ఈ పుట అచ్చుదిద్దబడ్డది
రేకు: 0390-6 సాళంగనాట సంపుటం: 11-540
పల్లవి: నిక్కము నేఁడు మా పొందు నీకు వలెనా
చక్కని విభుఁడ యింత చవి వుట్టీనా
చ. 1: మనసు దెలసి నాతో మాట లాడే విప్పు డిట్టే
తనిసి నేఁ డైన నీచిత్తము వచ్చెనా
చెనకి నామీఁదఁ దెచ్చి చేయి వేసే వప్పిటిని
వెనకముందరి బుద్ది విచారించుకొంటావా
చ. 2: నయగారమును మాతో నవ్వఁ జూచే విప్పు డిట్టే
జయ మైన సిగ్గు దేరి చలి వాసెనా
ప్రియపడి నన్నుఁ గడు పేరుకొని పిలిచేవు
క్రియతో నీ కింతపని కిమ్ములఁ గలిగెనా
చ. 3: చొక్కుచు నా మోముదిక్కు చూచేవు సారె సారె
పుక్కటై నీలోని వలపులు రేగెనా
యిక్కు వంటి శ్రీవెంకటేశ నన్ను గూడితివి
దిక్కుల నీగుణములు తిద్దుకొంటివా
