ఈ పుట అచ్చుదిద్దబడ్డది
రేకు: 0390-5 సాళంగం సంపుటం: 11-539
పల్లవి: చెల్లనో నీ వింత నాకుఁ జెప్ప వలెనా
బల్లిదుఁడ నాకు నీ బలు వుండఁగా
చ. 1: సందడించి యవ్వరితో జడగడాలు మా కేల
కందు వై నీవు నాకుఁ గలి గుండఁగా
మందలించి కన్నవారిమాట విన నా కేల
కిందట మీఁదట నీకృప యుండఁగా
చ. 2: పొట్టఁబిరుగువారితో పురుఁడు నా కది యేల
యిట్టె నీవు నాకుఁ జన విచ్చి యుండఁగా
వట్టి విచారము లేల వగలఁ బొరల నేల
గుట్టుతో నీబాస నాకు గురి యుండఁగా
చ. 3: కడవారితో నింకఁ గాఁతాళము నా కేల
ఆడరి నీకాఁగిలి నన్నంటి యుండఁగా
బడినె శ్రీవెంకటేశ పాయక నన్నుఁ గూడితి
జడియ నేల వలపు సరు లయి వుండఁగా
