ఈ పుట అచ్చుదిద్దబడ్డది
రేకు: 0390-4 గుండక్రియ సంపుటం: 11-538
పల్లవి: మగవాఁడు గూళ యైతే మరి చేతఁ బట్ట రాదు
తగ వెరఁగక నీవే తమకించే విదివో
చ. 1: అంగనకు నీమనసు అరిసి తెలయుదాఁకా
నంగవించి నవ్వ దాయ నందుకే కదా
కుంగుచు నీవది చూచి కోపగించి వున్న దంటా
నండగిఁ బెట్టి వలపు లాడుకొనే విదివో
చ. 2: పడఁతికి నీ వాకడి పరాకు మానినదాఁకా
నడరి నీతో మాటాడ దుందుకే కదా
కడగి నీతో నాపె కైకొనక వున్న దంటా
వుడివోక గోర సేసి వుప్పతించే విదివో
చ. 3: జలజాక్షికిని నేవీ చనవు లిచ్చినదాఁకా
నలమక వూరకుండె నందుకే కాదా
యెలమి శ్రీవెంకటేశ యిట్టె నీవే కూడితివి
చలము చెల్లించే నంటా జట్టిగొనే విదివో
