ఈ పుట అచ్చుదిద్దబడ్డది
రేకు: 0390-3 దేసాళం సంపుటం: 11-537
పల్లవి: వట్టి మండాటము లేల వద్దన నేలా
యిట్టె నీపతి వీడె యే మైన ననవే
చ. 1: వలవనిజోతి యాల వాదుటాల మా కేల
తలఁచఁగానె యాతఁడు తానే వచ్చెను
పొలసి యిందాఁక నేము పూనుక వచ్చితి మింతే
చెలువుఁడు వాఁడె నీవు సేసినట్టు నేయవే
చ. 2: ఆన వెట్ట నా కేల అంతేసి పంతము లేల
వీనుల నాతఁడు దానే వినుచున్నాఁడు
కానీవే ఆతఁడు నీవు గన్నదాఁకా గురియైతి
పోనీక యీతని కిన్ని బుద్దలూనుఁ జెప్పవే
చ. 3: చక్కటి సేయఁగ నేల చవులు చెప్పఁగ నేల
గక్కన నాతఁడును నిన్నుఁ గాఁగిలించెను
యిక్కువ శ్రీవెంకటేశుఁ డెనసి వున్నాఁడు నీతో
యిక్కడు నాతనితో నీ వెట్టయినఁ బెనఁగవే