ఈ పుట అచ్చుదిద్దబడ్డది
రేకు: 0390-1 గుండక్రియ సంపుటం: 11-535
పల్లవి: కంటి వటె నామీఁదఁ గల బత్తి యీతనికి
గొంటుఁదనమునఁ దానె కొంకీ నాచేఁతకు
చ. 1: నంటు గలవారిఁ గంటే నవ్వ బుద్ది వుట్టుఁ గాక
కంటకపు వారికిఁ గలదా సొంపు
అంటి ముట్టి నే సరస మాడఁగా నా కినగోరి
ముంటివాఁడి సోఁక కుండా మొక్క వచ్చీ నితఁడు
చ. 2: యేకచిత్త మైనచోట నిన్నియు నితవు గాక
చీకాకు వడినచోటఁ జెప్పఁ గలదా
కైకొని నేఁదను నెంత కరఁగించి మాటాడినా
ఆక డీకడి మాటలు ఆలకించీ నితఁడు
చ. 3: యంత నే విన్నవించఁగా నియ్యకొని కూడెఁ గాక
చెంత నే నాడక వుంటేఁ జిత్తగించీనా
పంతపు శ్రీవెంకటాద్రిపతి యిప్పుడు నారతి
మంతనానఁ జిక్కి చొక్కి మచ్చి కాయ నితఁడు