ఈ పుట అచ్చుదిద్దబడ్డది
రేకు: 0389-6 ముఖారి సంపుటం: 11-534
పల్లవి: ఇంతేసి మాయలు పతి యెరుఁగునో యెరఁగఁడో
చింత దీర నాతనితోఁ జెప్పరమ్మ చెలులు
చ. 1: దగ్గరి యాతనితో నే తమితో మాట లాడితే
ఆగ్గలపుసతులు గయ్యాళి యందురూ
సిగ్గు పడి వూర కున్న చెంగలించి వెంగెముల
నిగ్గుల ని దేమియు నేర దందు రూ
చ. 2: నయమున నేఁ గొంత నవ్వులు నవ్వఁగఁ బోతే
బయకారా లని వారే పచ్చి వేతురు
దయతోడ గుట్టు సేసి తల వంచుకొని వుంటే
నియతి నలిగె నంటా నెట్టన గడింతులు
చ. 3: కతగా శ్రీవెంకటేశుఁ గలసి మెప్పించితేను
రతులలో ని దెంతటి రాఁగ యందురూ
యిత వై యీతఁడు నన్న నింతగా మన్నించి కూడె
మతక మింతయును నామర్మమే యందురూ
