ఈ పుట అచ్చుదిద్దబడ్డది
రేకు: 0389-4 హిందోళం సంపుటం: 11-532
పల్లవి: ఏమి సేసితి విందాఁకా నేడ నుంటివి
చే ముంచి యాపెను నీవే నేద దేర్చవయ్యా
చ. 1: యింతి నీవు వచ్చే వంటా నిందాఁకా నెదురు చూచె
అంతయు నీతోఁ గొంచి యాడఁ జాలదు
చింతతో నున్నది చెలి చెక్కు నొక్కి యీపెకు
సంతోసము సేసి మోవి చవి చూపవయ్యా
చ. 1: నీవే పిలిచే వంటా నిలుచుండె నిందాఁక
ఆవలిమాటలు నిన్ను ననఁ జాలదు
కోవరపుఁ దమకాన గుట్టుతో వున్నగి యీపెఁ
జే వట్టి బుజ్జగించి చిత్తగించవయ్యా
చ. 3: పవళించే వంటాను నీపైనే కన్ను లిందాఁకా
అవుఁ గా దనుచు నిన్ను ననఁ జాలదు
వివరించి కూడితి శ్రీవెంకటేశ యీసతిని
కవ వాయ కిట్లానె కైకొ నుండవయ్యా
