ఈ పుట అచ్చుదిద్దబడ్డది
రేకు: 0389-3 సాళంగనాట సంపుటం: 11-531
పల్లవి: పెలుచుఁ గోపపుదాన బిరుదుకు మొదలను
యెలమి నీగుణాలే న న్నింత వలపించెను
చ. 1: తత్తరించి నే నిన్ను తగుల నాడినందుకు
చిత్తన నొవ్వక నన్నుఁ జేర వచ్చేవూ
మత్తిలి నేఁ గోసరితే మరి నీవు నవ్వేవు
యిత్తల నీమంచితనా లింత వలపించెనూ
చ. 2: గక్కన నీరాకు నేఁ గైకో కుండినందుకు
అక్కర దీరన న్నంటి ఆదిరించేవూ
వొక్కటి గా కూరకున్న వొడఁబరచ వచ్చేవు
యిక్కువ నీ నేరువు న న్నింత వలపించెనూ
చ. 3: వొంటిఁ గాఁగిలించఁగాని నిన్నొట్టు వెట్టినయందుకు
బంటువలె వెంట వెంటఁ బాయ కుండేవూ
అంట కుంటే శ్రీవెంకటాధిప నన్నుఁ గూడితి
వింటనే నీ చనవులు యింత వలపించెనూ