ఈ పుట అచ్చుదిద్దబడ్డది
రేకు: 0389-2 సాళంగనాట సంపుటం: 11-530
పల్లవి: ఎవ్వరితోడ గొడవ లిఁక నేలా
యివ్వల మ మ్మిందులోనే యేల పొగడేవు
చ. 1: సన్నల సారెకు మెచ్చ సణఁగు నీపైఁ జల్ల
కన్నులెదుట నీ కాపె గలిగెఁగా
మన్ననలు పచరించ మాటికి మాటికి నవ్వ
అన్నిటిమారును నీవు ఆపెకుఁ గలితి గా
చ. 2: యిచ్చకము నీకు నాడ యే మైనఁ బనులు సేయ
గచ్చుల నీకు నేఁ డాపె గలిగెఁ గా
చెచ్చెర వాసు లెక్కించ చెప్పినపనులు సేయ
నిచ్చ నిచ్చ నాపెకు నీవు గలితివి గా
చ. 3: అంది నీకాఁగిఁట గూడ నాయము గరఁగి చొక్క
కందువ లంట నీ కాపె గలిగెఁ గా
అందపు శ్రీవెంకటేశ ఆపెఁ గూడి నన్నుఁ గూడి
తిందులో మాయిద్దరికి నిటు గలితివిగా