ఈ పుట అచ్చుదిద్దబడ్డది
రేకు: 0389-1 సాళంగం సంపుటం: 11-529
పల్లవి: కొసరి ని న్నింతలోనె కోపగించేనా
ముసిముసి నవ్వు లెల్లా ముచ్చటలె కావా
చ. 1: తలఁపులో నీరూపు తగిలి పాయ కుండఁగ
యెలమి విరహతాప మెక్కడిది
వెలయ నిందుకుఁ గాను వేఁడుకొనే వేల నన్ను
నలువంక నీమేలె నామేలు గాదా
చ. 2: చేకొని నీ కంకణము చేతఁ జిక్కి వుండఁ గాను
యీక డాకడి మాటకు నెగ్గు లేది
వాకున నిందుకుఁ గానె వైపులుగా నమ్మించేవు
నీకుఁ గలసంతోసమే నేఁడు నాకుఁ గాదా
చ. 3: కందువ నీవే నాయింటఁ గాణా చై వుండఁగాను
చెంది నామనవి నీతోఁ జెప్ప నేది
అంది శ్రీవెంకటేశ నన్నలమితి కడపలో
విందుల నీవేడుకే నావేడుకలు గావా